الحب والجاه ..

اتقول ما اشتقتي ؟ وانا اقول عزاه /

يا بْعد وصف الشوق يا شوق عني ..

انا بك اشهق كلما صوتك اخطاه /

سمعي ، وصاحت بالمشاريه اذني ..

تنشد وتدري ما سوى قربك اشفاه /

تدري ، وتدري انك الكل مني ..

يا هبة الغبشة ويا روح مظناه /

نسايم الجنة بها الورد مثني ..

ذخري و عزوة قلبي اللي تمناه /

تاجي و محزم للمعاسير مجني ..

شيخ الشباب اللي على الجود مرباه /

يفداه قلبٍ به فخورٍ يغني ..

افداه من هامة محياه لخطاه /

وافداه من أول سنيني لدفني ..

احب شوفه وابتهج في ملاقاه /

واشريه بالغالي و ارسّخ وابنّي ..

ابني له قصورٍ تشابه سجاياه /

واغزل له نجومٍ بنوره ضوني ..

تنشد وتدري انك الحب والجاه /

تنشد وانت الروح يا روح مني ..

الأربعاء ٣٠ / ٥ / ٢٠١٢

٩:٥٠ م