أجمل عناويني

مسّي عيوني بشوفك وأبهج سنيني /

يا أول الحب ، يا شريانه الساقي .. 

تتفتح أحلامي بصوتك وتحييني /

لي قلت وينك ؟ تداعت كلها أشواقي ..

بك ترتوي روحي وتغرق شراييني /

كلما تمشيت حُبٍ داخل أعماقي ..

يزهى بك العشق يا أجمل عناويني /

يا اللي سنيني توقف لك وتنساقي ..

هذا القمر مرسل الاشواق من عيني /

لي لاقت عيونك اتغني لها احداقي ..

يا شاغل الروح وانته بيني وبيني /

إلهام شعري و هاجوسي وترياقي ..

كنك نسايم بلادي يوم تلفيني /

اترد روحي وتشفي جرحي الشاقي ..

ما مثلك اليوم في وصفك محبيني /

لا والذي كملك بالطيب واخلاقي ..

آمنت بك دونهم واعتقت جرحيني /

جرح الهظيمة وجرح المدمع الهاقي ..

 

 

سلّم على نور اخوك اللي ممسيني /

كلما جمعنا بنوره فوق الافاقي ..