كيف
أوصف أرض ما غيري وطاها /
كيف
أوصف مشيتك بالحب فيها ..؟
كنها
تحضن دروبك من غلاها /
غيمةٍ
من نور ما غيرك عْلِيها ..
لو
نظرت بعينك لعيني تراها /
تلمس
الخطوات والنبض ايحَصيها ..
ودي
ان الكون يتسمّع صداها /
نبضةٍ
هتّان مشيتك ايغَذيها ..
كل
خطوة منك هالعمر افتداها /
وكل
لفتة باع دنياه وشريها ..
هوب
خاسر لي مواطيك احتفاها /
كاسبٍ
للزود ، من زودك حظيها ..
للمحبة
شان ما يدرك مداها /
غير
منهو خضّب بعهده يديها ..
من
تملّك روح لا يكدّر صفاها /
إمّا
يَكرمها ، والا ، لا ايعَنيها ..
حاشمٍ
لمخوة الخلّ و ذراها /
لو بطارف سفرته ثيَّب عليها ..
دنيتي انته وانته لي سماها /
ما وطن من قبل قلبك محتويها ..
هذا انت وانت يا غيمة وفاها /
ابتدي خطوتك شوقٍ و انتهيها ..
0 comments:
إرسال تعليق