سحاب الوسم

يا سحاب الوسم في روض العمر         
          يا وصال الأمس يا الحلم الأخير

كيف عني راح ما رد النظر     
          كيف هان الود يا الحظ الضرير ؟

كم بنيت من الأماني لي قصر      
          وكم رفعت الكف لله استجير !

طارت الأسراب مع نورالفجر         
          فوق متن الحزن تتهجى العسير

ضج قلبي ما لقى لنبضه صدر       
          والصدور كتاب تتحدى المصير

أنشد الأفراح من دل القمر ؟         
          من سواد الليل جدى به بصير ؟!

من حفر لي في كفوفك هالقبر ؟         
          عقب ماني في الهوى خلي ( أمير ) ؟!

لي كتبت أهواك ينهل المطر         
          وتفرح البدوان بالعشب الخضير

من غرامي كم تصالح هالبشر         
          ومن حناني يرفل الكون الكبير

يا غناتي خان بي عزم الصبر         
          وفارس الأشواق في جوفي أسير

احتضن طيفك الى منه حضر                    لبى روحك يا معادل هالنظير

هيه كلي من الغلا سيدي نهر         
          عالي المحراب شلاله هدير

هيه تدلل قول وارسمني سهر         
          وكحل الأحلام بالجفن السهير

وان بغيت اتعود ؟ قلبي لك مقر         
          وان نويت البعد ؟ يا الحظ الكسير !!

وان بغيت الشور واترد النظر ؟         
          لك فرشت العمر بورود وحرير