دوس الضلوع و تـدلـل قوله عتابك
و اقطع من الجبد و الله و ايهبي جوعـك
ما ترخص الـروح غير لحضرة اجنابك
تـامـر حبيبي و كلي بأمـرك و طوعــك
أرجوك خـل التنهـد قول وش صابـك ؟
باوقده عمري لعينك و أشعل اشموعـك
عـطني سهـرك و فـديتك ريـح أهدابك
و الا تقهـوى غــلاك و فـج بـه صـوعـك
و بالملم اجـروح روحي لـين تبـرى بـك
أظنـاني الـوقت بيـن اليـوم و اسبــوعـك
خـذني تـراتيل شـوق الـ صمت محـرابك
و ضـم الحنـايـا بـعـطفٍ تـزهـر اربوعــك
تعـزف على طرف أنـامل حلمي أطيابك
و أشـم عطـرك و أسبـح حمـد لـرجوعـك
تعـال و انـثــر ودادك شـوق لأحبـابـك
و طيّـر حمـام الغــرام لعالـي اربـوعـك
حيّاك خـل الـزعـل قـل « تــــمّ » طـلابـك
و أبشـر بعـزك حبيبـي .. هـدّ من روعـك
0 comments:
إرسال تعليق