في غفلة الوقت عوّد ماضـي سنينـي و من كف ذكراك أمطر بارق رعـوده |
يـا كنّـه الأمـس و وداعـك يبكّينـي و أمسي غدت به عجاف السبع ممدودة |
لا خازن القمح أوفى اوعـود تشرينـي و لا سجن الأغراب خفف عني اقيـوده |
أفسر المر ( فرح ) و حنظله ( تيني ) و أقول باكر يحقـق حلمـي اوعـوده |
تنشد عن الحال وانته ساكنـن فينـي ؟ تمشي مع الدم تنزل به و فصعـوده !! |
ما بين همّك و بيـن الوجـد و البينـي تخالط الشرق غرب و ضيّـع احـدوده |
يا طالب الجيم وينك مدهـا السينـي و يا باغي العطر خفف قطفك اوروده ! |
قفى بي الوعـد و انقطعـت عناوينـي لا هو زمانـي و لانـي فيـه مولـودة |
أسطورة إحساس تكبر فـي شرايينـي في كل لحظات عمرك تعـزف أنشـودة |
عيش و تهنى ما دامك ساكنـن فينـي وهبتك العمر طفلـة حـب ( مـوؤدة ) |
وعود تشريني
Posted by
Maitha Al Hameli
on الأربعاء، 28 سبتمبر 2011
0 comments:
إرسال تعليق