يـا ليلـة العيـد رشـي عطـر ياسيّــه
و خـلـي سـنـا النــور يلثــم هامــة بــلادي
في بـوظبي معتّـقٍ , روحــه فـلاحيّـــه
يـداعــب الغـيـم فــوق الـمجــد متبـــادي
يسـري و ليـــوا لـه المقصـود و النيّـه
يثنـي التحـايـا « لبــوسلطــان » و ينــادي
مـليـون لبيـــه , مليـــونٍ , عـلى ميّــه
مـرضـوف مـليــار , مـليــارٍ , و يــزدادي
مبـروك يـا سيّـــدي , بالفــل مـرويّـــه
و مطـوقــه بالـزبــاد و نــرجـس و كـــادي
يتـنـا البشـايـر مـن الـربـان مهـديــّه
خـليفــــة ) الـطيب يعـل سنيـنـه أعيــادي (
و مـسنـدة مـن عجيـد البـارق و ضيـّه
( بـوخــالــد ) اللـي فــداه الــدم و افــوادي
يـا فـرحـة قلـوب خـلانـك و وسميّـه
أسقـت هشيــم الــبرور و أحيـت عبــادي
كـني لمست الكواكـب نـوف بيـديـّه
و كـني مـلـكت الـزمان المقبــل الغــادي
يـا بشـرة القيـض و أحـلامٍ طفوليّـه
يـا روحهـا الـــدار ردت عــقب لبعــادي
احنـا لـك اجنـود فـالحـرات و الـفـيّـه
و احنا لـك ايمـيـن مـا تعصى و لا اتحادي
آمـر يـا « حمـدان » دام الـروح بـي حيـّه
أبـــذل لــك الـــدم ، دون اخـطــاك و عتــادي
و أشـب جمـر السهــر لغفـاك محميّـــه
و أبـهــر دلال أمـــرك ، بــنّ و اقـنـــادي
مـا احاتـي الــوقت هقــواتي و ماضيّــه
لـي عــاد دمـي بـكــم مـتعـطّــر و نــــادي
و يـا ليـلــة العيـــد قــلبي رفّ غــربيـّـه
مبـروك « حمـدان » عيــدج يـا غـلا بــلادي
0 comments:
إرسال تعليق